Хәвеф-хәтәр 24 август 2016 20:11

Билгесез зат Мәскәү үзәгендә банкны шартлату белән яный

Хәзерге вакытта банкта өч хезмәткәр һәм бер клиент калган

Скопировать ссылку

(Казан, 24 август, "Татар-информ"). Билгесез зат Мәскәү үзәгендә Большая Никитская урамында урнашкан Ситибанк бүлеген шартлату белән яный. Бу хакта ТАСС вакыйга шаһитына сылтама белән хәбәр итә.

Карап торышка 55-60 яшьлек ирнең муенында сары скотч белән чырналган тартма асылган. Тартмадан чыбыклар күренә. Ир кычкыра һәм шартлату белән яный. Шул ук вакытта ул бернинди таләпләр дә куймаган.

Вакыйга урынына полиция хезмәткәрләре киткән. Шаһит сүзләренчә, ир банкның бер хезмәткәрен азат иткән. Хәзерге вакытта банкта өч хезмәткәр һәм бер клиент калган.

#Тотаклар #шартлату

Сәхифәләр

Билгесез зат Мәскәү үзәгендә банкны шартлату белән яный