Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Билеты сатып алынган концерт күчерелгән очракта кулланучының хокукларын аңлаттылар
Билеты сатып алынган концерт булмаса яки башка вакытка күчерелсә, кулланучы оештыручылардан билетның тулы бәясен, китерелгән зыянны, шул исәптән сервис җыемнарын да кире кайтаруны таләп итәргә хокуклы. Бу хакта РИА Новости агентлыгы Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) телеграм-каналына сылтама белән хәбәр итә.
«Кулланучының концертны оештыручылардан «Кулланучыларның хокукларын яклау турында»гы законның 28 маддәсе 1 пункты нигезендә билетның тулы бәясен кире кайтаруны; хезмәт күрсәтү сроклары бозылуга бәйле рәвештә китерелгән зыянны тулысынча каплауны, шул исәптән билет агенттан сатып алынган очракта сервис җыемын кайтаруны таләп итәргә хакы бар», - диелә хәбәрдә.
Билет бәясен кире кайтару өчен язмача дәгъваны концертны оештыручыга юлларга кирәк. Әгәр чараны оештыручы дәгъваны карамаса яки билет бәясен кайтарудан баш тартса, дәгъва гаризасы белән судка мөрәҗәгать итәргә мөмкин, дип искәрттеләр ведомствода.
Кызыклы яңалыкларны күзәтеп бару өчен Телеграм-каналга язылыгыз