Бик үк яхшы булмаган матч уздырдык – Хавьер Грасия
"Рубин" командасы баш тренеры җиңү генә сөенеч китерә, дип белдерде.
Скопировать ссылку
(Казан, 6 март, "Татар-информ"). Казанның "Рубин" футбол командасы баш тренеры Хавьер Грасия "Анжи"га каршы уенга карата үз фикерен җиткерде.
"Бик еш кына уенның сценарие нәтиҗәдән аерыла. Шулай да уеннан соңгы тәэсирләр нәтиҗәгә бәйле. Без бик яхшы булмаган матч уздырдык. Мин уеннан канәгать түгел. Пенальтидан туп керттермәдек – Сергей Рыжиков бик яхшы уйнады. "Анжи" яхшы уен күрсәтте. Үзебезнең уеннан канәгать калмадым. "Анжи" җиңүгә күбрәк лаек иде. Безнең өчен иң яхшысы – ул нәтиҗә һәм җиңү", – дип белдерде Хавьер Грасия матчтан соңгы матбугат конференциясендә.
Исегезгә төшерәбез, "Рубин" футболчылары бүген Махачкалада "Анжи" командасын отты – 1:0. Бердәнбер тупны матчның 81 нче минутында Максим Канунников кертте.