Фән һәм мәгариф 27 сентябрь 2016 19:38

Биектауның Өллә авылында яшәүче Сәгадәтбану ханым Җиһаншинага 100 яшь тулды

Фронтовик ире белән алар мәктәптә балалар белән эшләүдән, балалар тәрбияләп үстерүдән ямь табып яшәгән.

Скопировать ссылку

(Казан, 27 сентябрь, “Татар-информ”). Татарстанның Биектау районы Өллә авылында яшәүче Сәгадәтбану ханым Җиһаншинага 100 яшь тулды. Район башлыгы Рөстәм Кәлимуллин әлеге мөхтәрәм юбилярны матур бәйрәме белән котларга дип махсус килде. Хөрмәтле акъәбиебезгә саулык-сәламәтлек, имин еллар телибез, дип яза “Биектау хәбәрләре” газетасы.

Сәгадәтбану апа башлангыч сыйныфлар укытучысы булып эшләгән. Аның фронтовик ире дә мәктәптә хезмәт куйган. Бергә-бергә өч бала: ике малай һәм бер кыз тәрбияләп үстергәннәр. Кызганычка каршы, бер малайлары илле яшен дә тутырмаган килеш дөнья куйган. Кызлары Яр Чаллы шәһәрендә яши, ә икенче уллары Казанда гомер итә.

Сәгадәтбану апа олы яшьтә булу сәбәпле, каралты-кура буенча бөтен эшен дә эшләп бетерә алмый, шунлыктан, улы белән киленендә кыш чыга. Килененең сүзләренә караганда, алар каенанасы белән 40 ел яшәү дәверендә беркайчан да сүзгә килмәгәннәр. Хәзер дә Сәгадәтбану апаның киңәшләренә колак салып яшиләр икән.

#Биектау

Сәхифәләр

Биектауның Өллә авылында яшәүче Сәгадәтбану ханым Җиһаншинага 100 яшь тулды