Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Биектауда республика эзтабарлар отрядлары фестивале булды
Биектау районында урнашкан «Чайка» балалар лагеренда республиканың эзтабарлар отрядлары фестивале тәмамланды. Фестивальдә Татарстан Республикасының ике дистәгә якын эзтабарлар отрядыннан 150 кеше катнашты. Бу хакта «Биектау хәбәрләре» сайтында хәбәр ителә.
Алар үзара тәҗрибә алмаштылар, тәҗрибәле экспертларның лекцияләрен тыңладылар, осталык дәресләре уздылар, интенсив программаларда катнаштылар. Программа кысаларында бөтенроссия эзләү системасы мәктәбе лекторлары эзләү эшләрен документация белән тәэмин итү һәм скелет төзелеше үзенчәлекләре турында сөйләделәр.
Шулай ук отрядлар вәкилләре фестивальнең традицион конкурсларында: эзтабарлар отрядлары презентациясе, видео-конкурс, архив-эзләү эшчәнлеге, эзләү-туристик полоса, биатлон эстафетасы һәм башка күп бәйгеләрдә ярышты.
Фестиваль көннәрендә лагерьга ТР яшьләр эшләре министры Ринат Садыков та килде. Министр сүзләренә караганда, соңгы ярты елда гына да республиканың 30 дан артык эзтабарлар отряды Бөек Ватан сугышы барган урыннарга оештырылган 23 экспедициядә катнашкан, аларда 248 совет солдатының җәсады, 11 медальон, 6 солдатның шәхси әйберләре табылган. Алар Ватан азатлыгы өчен һәлак булган, хәбәрсез югалган герой сугышчыларның исемнәрен кире кайтарырга ярдәм итәчәк.
Татарстанның эзтабарлар отрядлары, шулай ук, халыкара экспедицияләрдә катнашып, үзара хезмәттәшлекне ныгыта, Икенче бөтендөнья сугышында катнашкан бөтен халыкларның язмышында хәлиткеч роль уйнаган Бөек Ватан сугышы турында объектив мәгълүмат алырга ярдәм итә.
Кызыклы яңалыкларны күзәтеп бару өчен Телеграм-каналга язылыгыз