Биектауда Гекдениз Карадениз ярдәме белән төзелә торган мәчетне быел ачарга җыеналар
Биектау районы башлыгы Рөстәм Кәлимуллин мәчет төзү эшләренең 80 процентка якын тәмамлануын әйтте.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 20 февраль, «Татар-информ», Гөлүзә Ибраһимова). Биектау районында «Рубин» клубының элеккеге футболчысы, хәйрияче Гекдениз Карадениз химаясы белән төзелә торган мәчетне агымдагы елда ачарга җыеналар. Бу турыда «Татар-информ» хәбәрчесенә Биектау районы башлыгы Рөстәм Кәлимуллин хәбәр итте.
«Мәчет төзелеше әкрен генә бара. Мәчетне быел ачарга планлаштырабыз, тик барысы да акчадан тора, бүгенге көнгә эшләрнең 80 процентка якыны башкарылды. Хәзерге вакытта мәчеткә җылы җибәрелгән, газ кергән һәм эчке ремонт эшләре бара», — дип сөйләде Рөстәм Кәлимуллин.
«Рубин» командасының элеккеге уенчысы Гёкдениз Карадениз Калинино авылында мәчетне 2016 елда төзи башлаган иде.