Биектау районында Татфондбанкның өстәмә офисын басканнар
Хәзерге вакытта оператив-эзләү чаралары үткәрелә, зыян суммасы ачыклана.
(Казан, 15 март, «Татар-информ»). Татарстанның Биектау районында Татфондбанкның Луговая урамындагы өстәмә офисын билгесез кешеләр талаган. Бу хакта «Татар-информ"га Россия Эчке эшләр министрлыгының Татарстан Республикасы буенча матбугат хезмәтендә хәбәр иттеләр.
Хәзерге вакытта оператив-эзләү чаралары үткәрелә, зыян суммасы ачыклана.
«Татар-информ»га хокук саклау органнарыннан билгеле булганча, өстәмә офис хезмәткәрләренең гаризаларында 12 декабрьдән 10 мартка кадәр офистан 3,5 миллионнан артык акча - сумнарда һәм 30 меңнән артык евро урланган булуы күрсәтелгән.
Хәзерге вакытта әлеге мәгълүмат тикшерелә. Җинаять эше кузгату мәсьәләсе карала.