Җәмгыять 29 сентябрь 2018 11:14

Биектау районында Өлкәннәр көнен билгеләп үттеләр

Кичәдә гомерләрен хезмәткә һәм яшь буынны тәрбияләүгә багышлаган Биектау кешеләре кунак булды.

Скопировать ссылку

(Казан, 29 сентябрь, «Татар-информ»). Татарстан Биектау районының Туган якны өйрәнү музеенда Халыкара Өлкәннәр көнен бәйрәм иттеләр. Ел саен бу бәйрәм 1 октябрьдә билгеләп үтелә. Бу турыда «Высокогорские вести» газетасы хәбәр итә.

Бу көнне музейда бәйрәм мохите хөкем сөрә иде, кичәдә бөтен гомерләрен хезмәткә һәм яшь буынны тәрбияләүгә багышлаган Биектау кешеләре кунак булды. Бәйрәм концертын Ветераннар советы рәисе Билал Шиһабетдинов ачты. Ул бәйрәмгә килүчеләргә сәламәтлек, яхшы кәеф һәм озын гомер теләде.

Аннары сәхнәдә халыкара, республика һәм район фестивальләре, бәйгеләре лауреатлары һәм депутатлары, шулай ук «Тулпар» мәктәптән тыш эшләр үзәгендә тәрбияләнүчеләр чыгыш ясады.

«Герда» вокал ансамбленең легендар «Казан кичләре» җыры беркемне дә битараф калдырмады. «Татар җыры» лауреаты Алинә Даутова җырларын тамашачылар көчле алкышлар белән кабул итте. Бу көнне өлкәннәргә күрсанлы җырлар һәм шигырьләр багышланды, матур сүзләр әйтелде.

Чара азагында кунакларга истәлекле бүләкләр тапшырылды.

#биектау #өлкәннәр көне

Сәхифәләр

Биектау районында Өлкәннәр көнен билгеләп үттеләр