Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Биектау районында котыру авыруына каршы карантин кертелде
Чикләүләр Биектау авылының аерым территориясендә һәм Биектау тимер юл станциясе бистәсе территориясендә кертелде.
(Казан, 29 декабрь, «Татар-информ»). Биектау районының аерым территориясендә котыру авыруына каршы карантин кертелде. ТР Президенты Рөстәм Миңнеханов шул хактагы указны имзалаган.
«Татарстан Республикасы Биектау районы Биектау тимер юл станциясе һәм Биектау авылының Таһир Биккинеев урамы территориясендә хайваннарда котыру авыруына бәйле вазгыятьнең имин булмавы аркасында карантин кертергә», - диелә документта.
Документта күрсәтелгән территорияләрдә йорт хайваннары белән сату итәргә, аларны читкә чыгарырга ярамый. Моннан тыш, авыру хайваннарны ит өчен сую һәм аларның сөтен куллану, сәламәт хайваннарның пастеризацияләнмәгән сөтен сату һәм куллану, сәламәт хайваннарның тиресен һәм йонын дезинфекция ясамыйча читкә чыгару тыела.
Чикләүләр авыруның соңгы очрагы теркәлгәннән соң 2 ай узгач гамәлдән чыгарылачак.
Кызыклы яңалыкларны күзәтеп бару өчен Телеграм-каналга язылыгыз