Биектау районында иномарка белән бәрелешкән машинаның йөртүчесе һәлак булган
Фаҗига бүген көндез Казан-Малмыж юлында булган.
Скопировать ссылку
(Казан, 18 октябрь, «Татар-информ»). Биектау районында юл-транспорт һәлакәтендә бер ир-ат үлгән. Бу турыда Дәүләт автоинпекциясендә хәбәр иттеләр.
ЮХИДИ мәгълүматлары буенча, бүген 15.30 сәгатьтә Казан-Малмыж юлының 46 нчы километрында 14нче модельле «Лада» автомобилен йөртүчесе каршы як полосага чыккан һәм «Тойота» белән бәрелешкән.
Авариядә «Лада» автомобиле җимерелеп, берничә кисәккә бүленгән, ә йөртүчесе урында ук үлгән.
Чит ил машинасы йөртүчесен һәм пассажирын хастаханәгә озатканнар.
