Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Биектау районының өч бистәсендә 20 йорт яны кишәрлеген су баскан
Гадәттән тыш хәлләр министрлыгының Татарстан буенча Баш идарәсе мәгълүматлары буенча, Биектау районының Чыпчык, Иске Бөреле һәм Байкал авылларында 20 йорт яны кишәрлеген су баскан. Су басуның барлык очраклары да ведомство контролендә тора.
Чыпчыклы авылында өч, Иске Бөреледә җиде, Байкал авылында ун кишәрлек су астында калган. Барлык очракларда торак йортлар һәм социаль әһәмияткә ия объектлар су басу зонасына эләкми, халыкны эвакуацияләү таләп ителми. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Россия Гадәттән тыш хәлләр министрлыгының Татарстан буенча Баш идарәсенең Кризислы вазгыятьләрдә идарә итү үзәге бу хәлне контрольдә тота. Биектау янгын-коткару гарнизоны оператив төркеме барлык урыннарга җибәрелгән, су баскан районнарда су күтәрелүен контрольдә тоту өчен тәүлегенә өч тапкыр мониторинг ясау планлаштырылган.
Элегрәк «Татар-информ» хәбәр иткәнчә, Гадәттән тыш хәлләр министрлыгы Татарстанның өч бистәсендә йорт янындагы кишәрлекләрне су басуын фаразлады.
Кызыклы яңалыкларны күзәтеп бару өчен Телеграм-каналга язылыгыз