Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Биектау кызы Мәскәүдә узган халыкара бәйгедә лауреат булды
Кыз бию студиясенә йөри, КВНда катнаша, ә бу җиңү аны нәфис сүз остасы буларак танытты.
(Биектау, 17 гыйнвар, “Татар-информ”, “Биектау хәбәрләре”). Биектауның 2 нче урта мәктәбе укучысы, “Балкыш” балалар иҗаты йортында иҗат белән шөгыльләнүче Азалия Хөсәенова “Мәскәү вакыты” дип аталган Балалар һәм үсмерләр иҗаты халыкара конкурс-фестивалендә катнашып, “Нәфис сүз” номинациясендә I дәрәҗә лауреат исеменә лаек булды. Фестиваль Мәскәүдә 13-15 гыйнвар көннәрендә уздырылды, дип яза “Биектау хәбәрләре” газетасы.
Азалия конкурс программасы кысаларында Ирина Пивоварованың “Сочинение” хикәясен сөйләгән. Талантлы кызны нәфис сүз буенча бәйгегә укытучысы Йолдыз Шакирова әзерләгән булган.
Тагын шунысын да әйтеп китәргә кирәк: Азалия “Мандарин” бию студиясенә биергә йөри һәм КВН командасы әгъзасы да, диелә район хәбәрендә.
Кызыклы яңалыкларны күзәтеп бару өчен Телеграм-каналга язылыгыз