news_header_top_970_100
news_header_bot_970_100

Безнең заман геройлары — Әлмәт театрында

Пензада «Маскерадъ» фестивале үткәрелде

 (Казан, 9 октябрь, “Татар-информ”). Бу атнада Пенза шәһәрең А. В. Луначаров исемендәге драма театры сәхнәсендә М. Лермонтов (әдипнең тууына быел 200 ел тула) иҗатына багышланган «Маскерадъ» фестивале тәмамланды.

Анда Әлмәт Татар дәүләт драма театры артисты Динар Хөснетдинов “Безнең заман герое. Актер” номинациясендә дипломга лаек булды.

Жюри фикеренчә, хатын-кызлар арсында шундый ук номинациядә Пенза өлкәсенең атказанган мәдәният хезмәткәре Альбина Смелова җиңүгә лаек.

Иң яхшы режиссер эше дип Әлмәт Татар дәүләт драма театры режиссеры Искәндәр Сакаев сәхнәгә куйган “Гашыйк Кәриб” спектакле танылды.

“Безнең заман герое. Рәссам” номинациясендә исә Башкортстан Рус дәүләт драма академия театрыннан Ирина Лебедева җиңү яулады.

“Театрга хезмәт итүе өчен” Пенза өлкәсенең драма театры режиссеры Анатолий Гуляев та бүләккә ия булды, дип хәбәр итә Әлмәт Татар дәүләт театрының матбугат хезмәте.

news_right_column_1_240_400
news_right_column_2_240_400
news_bot_970_100