“Безнең Чирмешән” газетасы редакциясе шахматчылар ярышы үткәрә
Ярышларда ел саен уртача 50-60 уенчы катнаша.
Скопировать ссылку
(Чирмешән, 2 февраль, “Татар-информ“, “Безнең Чирмешән“, Кадыйр Гомәров). 2 мартта “Безнең Чирмешән” газетасы редакциясе шахматчылар ярышы үткәрә. Бу турыда җирле басма хәбәр итә.
Газета призларына әлеге турнир инде егерменче тапкыр уздырылачак. Ярышларда ел саен уртача 50-60 уенчы катнаша.
Җиңүчеләр алты төркемдә (ир-атлар, хатын-кызлар, яшүсмер егетләр һәм кызлар, мәктәп укучылары – малайлар һәм кызлар арасында) ачыкланачак.
Җиңүчеләрне бүләкләүдә Түбән Камадагы “Татспецнефтехимстрой” трестының профсоюз комитеты рәисе Фәгыйль Гатиятов һәм башкалар булышлык күрсәтергә риза.