Берләшкән Гарәп Әмирлекләре Президенты Казанда узучы БРИКС саммитына килде
Скопировать ссылку
Берләшкән Гарәп Әмирлекләре Президенты Мөхәммәд Бен Заид Әл Нахайян БРИКС саммитында катнашу өчен Казанга килде. Халыкара аэропортта аны Татарстан Рәисе Рөстәм Миңнеханов каршы алды. Бу хакта ТР җитәкчесенең матбугат хезмәте җитәкчесе Лилия Галимова хәбәр итә.
Искәртеп узабыз, Берләшкән Гарәп Әмирлекләре БРИКСка былтыр Көньяк Африка Республикасында узган саммит нәтиҗәләре буенча 1 гыйнварда керде.
Берләшкән Гарәп Әмирлекләре – Фарсы култыгы һәм Якын Көнчыгыштагы иң динамик үсеш кичерә торган илләрнең берсе. Ул БРИКСта әгъза булып торуны сәүдәне киңәйтү һәм яңа базарларга чыгу өчен стратегик мөмкинлек буларак карый.
ТР Рәисенең матбугат хезмәте видеосы
