Икътисад 9 декабрь 2021 13:00

Берләшкән Гарәп Әмирлекләрендә дәүләт хезмәткәрләре «көнбатыш» эш графигына күчә

Җомга исламда изге көн санала, шунлыктан Фарсы култыгындагы дәүләтләрнең күпчелегендә һәм гарәп илләрендә яллар җомга белән шимбәгә яки пәнҗешәмбе белән җомгага туры килә.

Скопировать ссылку

(Казан, 9 декабрь, «Татар-информ»). Берләшкән Гарәп Әмирлекләренең дәүләт учреждениеләре 1 гыйнвардан «көнбатыш» эш графигына һәм 4, 5 көнлек эш атнасына күчә. Бу хакта «Интерфакс» агентлыгы хәбәр итә.

Җомганың икенче яртысы, шимбә һәм якшәмбе ял көннәре булачак. Нәтиҗәдә, эш вакыты көнбатыштагы икътисади партнерларныкы белән туры киләчәк, дип искәртә Би-Би-Си агентлыгы.

Берләшкән Гарәп Әмирлекләре ял көннәрен шимбә белән якшәмбегә күчергән Фарсы култыгындагы беренче ил булды. Шулай ук җомганың яртысы эш көне булмаячак. Мөселманнар өйлә намазын укый алсын өчен, дәүләт компанияләрендә эш көне 12.00 сәгатьтә төгәлләнәчәк. Ислам йолалары нигезендә, җомга намазы вакытында эшләргә ярамый.

Берләшкән Гарәп Әмирлекләре шулай ук бөтен җирдә гамәлдә булган биш көнлек эш атнасы урынына рәсми рәвештә 4,5 көнлек эш атнасын гамәлгә керткән дөньядагы беренче ил булды.

Яңа график әлегә дәүләт хезмәткәрләренә генә кагыла. Ил Хөкүмәте шәхси сектор өчен бернинди конкрет инструкция дә бирмәгән.

#эш сәгате #Берләшкән Гарәп Әмирлекләре

Сәхифәләр

Берләшкән Гарәп Әмирлекләрендә дәүләт хезмәткәрләре «көнбатыш» эш графигына күчә