Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Берьеллык хәрби хезмәткә китүчеләрне иҗтимагый оешма вәкилләре поездда озата бара ала
Купеда урын булмаса, ТР Хәрби комиссариаты республика егетләре бара торган поездның янәшәдәге вагонына билет алуда ярдәм итәргә вәгъдә бирә
(Казан, 15 октябрь, “Татар-информ”, Миләүшә Низаметдинова). Быел көзен берьеллык хәрби хезмәткә китүчеләрне поезд эшелоннарында озата барырга теләгән иҗтимагый оешмалар вәкилләре, хокук саклаучылар өчен мөмкинлекләр карала. Бу гамәл хезмәткә алынучыларның һәм хәрбиләрнең хокуклары саклануда контроль булсын, хилафлыклар чыккан очракта тиз арада хәл итү өчен, беренче тапкыр кулланыла һәм РФ Оборона министрлыгының шул турында күрсәтмәсе бар.
Аерым алганда, Татарстан егетләре барган поезд вагонында купеда урын булса, егетләрне алар хезмәт итү частена кадәр бер юнәлештә бушлай озата бара ала. Купеда урын булмаса, ТР Хәрби комиссариаты республика егетләре бара торган поездның янәшәдәге вагонына билет алуда ярдәм итәргә вәгъдә бирә, дөрес, бу очракта, бушлай билет турында сүз бармый. Шулай ук егетләр хәрби ант биргәндә ата-аналар уллары хезмәт итәсе хәрби частька үз хисапларына бару хокукына ия.
Бүген ТР Хәрби комиссариатында журналистлар белән очрашып, Татарстан Хәрби комиссары Сергей Погодин шулай дип игълан итте. Очрашуда катнашкан аның урынбасары Дмитрий Гурылев шәрехләп, иҗтимагый оешмаларга шул хактагы мөрәҗәгатьләргә Чаллы солдат аналары комитеты һәм Түбән Кама ветераннар советы гына уңай җавап бирде, ягъни барырга теләк белдерде, ләкин рәсми мөрәҗәгать булмады, диде.
Кызыклы яңалыкларны күзәтеп бару өчен Телеграм-каналга язылыгыз