Җәмгыять 23 сентябрь 2022 16:45

Беренче бала өчен ана капиталының күләме 646 875,5 сумга кадәр артырга мөмкин

Скопировать ссылку

Беренче бала өчен бирелә торган ана капиталының күләме 2025 елга 646 875,5 сумга кадәр артырга мөмкин. Россиянең Социаль фонды бюджетына аңлатма язуында шул турыда мәгълүмат бар. Документ белән РИА Новости танышкан.

Документта язылганча, ана (гаилә) капиталының күләме кулланучылар бәяләренең арту индексыннан чыгып билгеләнгән. Мондый индекс 2023 елда алдагы елга карата – 12,4 процент, 2024 елда – 5,5 процент, 2025 елда – 4 процент фаразлана.

Шулай итеп, 2023 елда беренче балага ана капиталының күләме 589 569,4 сум тәшкил итәчәк, 2024 елда – 621 995,7 сум, 2025 елда – 646 875,5 сум. Икенче бала өчен бирелә торган ана капиталы 2023 елда – 779 094 сум, 2024 елда - 821 944,2 сум, 2025 елда 854 822 сум булыр дип планлаштырыла.

Сәхифәләр

Беренче бала өчен ана капиталының күләме 646 875,5 сумга кадәр артырга мөмкин