Сәясәт 7 ноябрь 2024 18:21

«Бердәм Россия»дә тарафдарлар сафында булу вакытын киметергә тәкъдим иттеләр

Скопировать ссылку

«Бердәм Россия» сафларына кушылырга теләгән россиялеләргә партия тарафдарлары рәтендә булу вакытын киметергә кирәк. «Бердәм Россия» тарафдарларының Татарстан төбәк советы рәисе Светлана Захарова шундый инициатива белән чыкты. Бу хакта партиянең матбугат хезмәтендә хәбәр иттеләр.

«Башка эштә үзләрен күрсәткән һәм хәзер партия сафларына керергә теләгән талантлы һәм ышанычлы кешеләр моны алты айлык срокны көтмичә дә эшли алачак дип саныйм», - диде Захарова.

Ул «Бердәм Россия» сафларына кушылырга теләгән кешеләрне мәҗбүри тәртиптә берничә партия чарасына җәлеп итәргә тәкъдим итте. Шулай ук кандидатлар, аның фикеренчә, югары партия мәктәбе сайтында кыскача танышу курсы узарга тиеш.

Тарафдарлар институты партия өчен бик тә мөһим, дип искәртте Генераль совет секретаре вазифаларын вакытлыча башкаручы Владимир Якушев семинарның пленар утырышында.

«Бүген (партия Уставы нигезендә – ред. иск.) «Бердәм Россия» сафларына керергә теләгән һәркем тарафдарлар институты аша узарга тиеш. Шуңа күрә биредә безнең позицияләрне бүлешүче кешеләр утыра», - диде ул.

Генераль совет секретаре вазифаларын вакытлыча башкаручы «Бердәм Россия» тарафдарлары институтының төп бурычларын билгеләде. Электораль эштән тыш, моңа махсус хәрби операциядә катнашучылар һәм аларның гаилә әгъзаларына ярдәм итү дә керә. Шул исәптән – закон чыгару дәрәҗәсендә дә.

Сәхифәләр

«Бердәм Россия»дә тарафдарлар сафында булу вакытын киметергә тәкъдим иттеләр