«Бердәм Россия»дә картлык буенча пенсияләрне гаризасыз билгеләргә тәкъдим иттеләр
Скопировать ссылку
«Бердәм Россия»дә картлык буенча иминият пенсияләрен билгеләү тәртибен гадиләштерү һәм гражданнарның шәхси мөрәҗәгатеннән башка аларны автомат рәвештә рәсмиләштерүгә күчү инициативасы белән чыктылар. Бу хакта Дәүләт Думасында «Бердәм Россия» фракциясе җитәкчесе урынбасары Андрей Исаев ТАССка хәбәр итте.
Ул белдергәнчә, партиядә картлык буенча иминият пенсияләрен гражданнар тарафыннан гариза бирмичә генә билгеләү мөмкин дип саныйлар.
Исаев билгеләп үткәнчә, дәүләтнең пенсия билгеләү процессын кешеләр өчен тизрәк, уңайлырак итәргә мөмкинлек бирә торган кирәкле инструментлары бар.