Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Бер тәүлектә Татарстанда биш кеше батып үлгән
Узган тәүлектә республика сулыкларында берничә бәхетсезлек очрагы булган.
Татарстан буенча Россия Гадәттән тыш хәлләр министрлыгы Баш идарәсе мәгълүматлары буенча, Казанның Совет районында Дәрвишләр бистәсендәге Комсомол күленнән шаһитлар 43 яшьлек хатын-кызның мәетен чыгарган, ул пляждан читтә су коенган булган.
Саба районында Туктар авылы янында ясалма сулыктан шаһитлар 44 яшьлек ир-атның мәетен чыгарган, ул җиһазландырылмаган урында су коенган.
Моннан тыш, Биектау районында Урманчы бистәсе янында Казансу елгасыннан коткаручылар ир-ат мәетен чыгарган. Ул җиһазландырылмаган урында су кергән, аның шәхесе ачыклана.
Лаеш районында Державино авылы янында ясалма сулыктан 28 яшьлек хатын-кызның мәетен чыгарганнар, ул җиһазландырылмаган урында су коенган булган.
Алдарак хәбәр ителгәнчә, Зеленый Бор авылы янында Иделдә резин көймәдән суга егылган ир-атны коткаручылар эзләде. «Татар-информ»га Татарстан буенча Гадәттән тыш хәлләр министрлыгы Баш идарәсендә хәбәр итүләренчә, аның мәете кичә Лаеш районының Зеленый утравы янында су өстеннән табылган.
Кызыклы яңалыкларны күзәтеп бару өчен Телеграм-каналга язылыгыз