news_header_top_970_100
news_header_bot_970_100

Бер атнада Татарстанда 735 кеше эшсез дип танылган

Аларның 353 е эш урыннарыннан үз теләкләре белән киткән

  (Казан, 24 сентябрь, «Татар-информ»). 23 сентябрьгә булган мәгълүматларга караганда, мәшгульлек хезмәте органнарында теркәлгән эшсезләр саны 15200 кеше тәшкил итә. Теркәлгән эшсезләр саны элеккечә 0,74 процент тәшкил итә, дип хәбәр итә Хезмәт, халыкны эш белән тәэмин итү һәм социаль яклау министрлыгы.
Республика мәшгульлек хезмәтләре органнарына гариза биргән эш белән тәэмин итүчеләр 49 194 вакансия тәкъдим итә. Бер атнада эш белән тәэмин итүчеләр 2 876 вакантлы эш урыны тәкъдим иткән.
Бер атнада Татарстанда 735 кеше эшсез дип танылган. Аларның 353 е эш урыннарыннан үз теләкләре белән киткән, 119 ы – оешма эшчәнлеге туктатылу һәм хезмәткәрләр штаты кыскартылу сәбәпле китәргә мәҗбүр булган.
Бер атнада эштән азат итүчеләрнең иң күбесе мәгариф өлкәсенә туры килә, 129 кеше эшсез калган. Моннан тыш, эшкәртүче производство өлкәсендә хезмәт куйган 88 кеше эштән киткән.

news_right_column_1_240_400
news_right_column_2_240_400
news_bot_970_100