Бер атнада Россиядә бигрәк тә кыяр һәм помидор бәясе кыйммәтләнгән
Россиядә 3-9 декабрь көннәрендә җиләк-җимеш продукциясе уртача 3,2 процентка кыйммәтләнде. Бу мәгълүматларны Росстат китерә.
Бигрәк тә кыяр (+8,5 процент), помидор (+5,4 процент), кәбестә (+3,3 процент) бәяләре нык артты. Кишер һәм чөгендер аз гына кыйммәтләнде, ягъни 0,5 проценттан да кимрәккә.
Шул ук чорда тавык ите һәм йомыркасы (+1,5 процент), маргарин һәм көнбагыш мае (+1,3 процент), туңдырылган балык һәм сөт (+1,1 процент), атланмай, каты, ярым каты һәм йомшак сыр (+0,9 процент) бәяләре артты.
Кайбер продуктларга бәяләр төште. Мисал өчен, макарон ризыкларына (-0,3 процент), ярым ысланган һәм пешкән-ысланган казылык, балалар туклануы өчен яшелчә консервалары (-0,2 процент), шикәр комы, карабодай ярмасы һәм балалар туклануы өчен коры сөт катнашмалары (-0,1 процент) арзанайды.