Җәмгыять 5 ноябрь 2009 15:03

Бер атнада 2 татарстанлы агуланып үлгән

Агулануның барлыгы 28 очрагы теркәлгән

Скопировать ссылку

(Казан, 5 ноябрь, «Татар-информ»). 30 октябрьдән алып 4 ноябрьгә кадәр булган токсикология мониторингы мәгълүматлары буенча, республикада агулануның 28 очрагы теркәлгән, аларның 6 очрагы - алкоголь эчемлекләр белән, 1 очрагы - наркотик препаратлар белән, 14 очрагы - дарулар белән, 7 очрагы - башка әйберләр.
Зыян күрүчеләр арасында 17 ир-ат, 11 хатын-кыз, шул исәптән 6 бала һәм яшүсмер бар. Агулануның 2 очрагы үлем белән тәмамланган.
Агулануга сәбәп булган әйберләр 14 очракта даруханәдән сатып алынган, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек хезмәтенең ТР буенча Идарәсе матбугат хезмәте.

Сәхифәләр

Бер атнада 2 татарстанлы агуланып үлгән