Бер атна эчендә Казанда 1000 бәхетсезлек очрагы булган
Ашыгыч ярдәм табиблары 3-10 сентябрь көннәрендә шәһәрдә яшәүчеләр янына җиде мең тапкырдан артык барган.
Скопировать ссылку
(Казан, 10 сентябрь, «Татар-информ»). Казанның ашыгыч ярдәм табиблары 3-10 сентябрь көннәрендә бәхетсезлек очрагы булган урыннарга 1008 тапкыр барган. Бу хакта ТР Сәламәтлек саклау министрлыгының матбугат хезмәте хәбәр итә.
Бер атна эчендә ашыгыч ярдәм табибларын 7309 тапкыр чакырганнар.
Медицина хезмәткәрләре җәмәгать урыннарына 1348 мәртәбә барган.
Юл-транспорт һәлакәте булган урыннарда зыян күрүчеләргә табибларның ярдәме 44 тапкыр кирәк булган.
Ашыгыч ярдәм табиблары авырулар янына 5578 мәртәбә барган.