Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Белоруссия Тышкы эшләр министры Владимир Макей вафат булган
Белоруссия Тышкы эшләр министры Владимир Макей 64 яшендә вафат булды, дип хәбәр итә Sputnik Беларусь.
«Белоруссия Тышкы эшләр министры Владимир Макей кинәт вафат булды», -дип хәбәр итә агентлык Тышкы эшләр министрлыгының матбугат секретаре Анатолий Глазга сылтама белән.
Дүшәмбе көнне Макейның Россиядәге хезмәттәше Сергей Лавров белән сөйләшүләре планлаштырылган иде. Бу турыда РИА Новости яза.
Владимир Макей 1958 елның 5 августында Белоруссия ССРның Гродно өлкәсе Некрашевичи авылында туа. Минск дәүләт педагогия институтының чит телләр бүлеген һәм Австрия Тышкы эшләр министрлыгының Дипломатик академиясен тәмамлый.
1993 елдан ул дипломатик хезмәттә: Белоруссия Тышкы эшләр министрлыгының дәүләт протоколы хезмәте башлыгы урынбасары, Европа Советы каршындагы республика вәкиле, Франциядәге илчелек киңәшчесе, Тышкы эшләр министрлыгының гомумевропа хезмәттәшлеге идарәсе башлыгы.
2000 елдан 2008 елга кадәр Белоруссия Президенты ярдәмчесе булып эшли, 2008-2012 елларда президент администрациясен җитәкли. Тышкы эшләр министры итеп 2012 елның 22 августында билгеләнде.
Кызыклы яңалыкларны күзәтеп бару өчен Телеграм-каналга язылыгыз