Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Белгечләр сораштыру белән бәйле яңа мошенниклык очраклары турында кисәтә
Мошенниклар потенциаль корбанының мәгълүмат базасын җыя, шул исәптән, «социаль сораштыру» һәм маркетинг тикшеренүләрен үткәрү ысулын куллана. Бу хакта «Прайм» агентлыгына Россиянең атказанган юристы Иван Соловьев сөйләгән, дип яза РИА Новости.
Бу Россия кешеләренең шәхси мәгълүматны сорау үтенече белән шалтыратуга һәм смс-хәбәргә ышанып бетмәүләре белән бәйле, ә менә алар төрле сораштыруны уңай кабул итә һәм катнашырга әзер. Шул рәвешле, аферистлар корбанның психологик портретын төзи һәм аннан кирәкле мәгълүматны ала.
Мисал өчен, сораштыру узарга һәм аның өчен бүләк вәгъдә итеп сылтама җибәрәләр. «Мондый сылтамалар буенча керергә ярамый. Бу фишинг, аферистларның осталыгына бәйле рәвештә, мессенджерларны җимерүгә һәм Дәүләт хезмәте порталында үз аккаунтыңны контрольдә тотуны югалтуга китерергә мөмкин», - дип кисәтте юрист.
Нәтиҗәдә мошенник корбаны исеменнән акча күчерүне сорап хатлар җибәрә ала, ә «Дәүләт хезмәтләре»ндә 2НДФЛ белешмәсен рәсмиләштерә, аның буенча микрозаймнар алырга мөмкин, әлбәттә, аларны зыян күрүчегә түләргә туры киләчәк, дип нәтиҗә ясады Соловьев.
Кызыклы яңалыкларны күзәтеп бару өчен Телеграм-каналга язылыгыз