Җәмгыять 19 апрель 2024 20:42

Белгечләр KazanForum да Россия, ислам илләрендә медицина туризмы хакында фикер алышачак

Скопировать ссылку

Белгечләр «Россия – Ислам дөньясы: KazanForum 2024» ХV Халыкара икътисади форумында медицина туризмын үстерү һәм ислам дөньясы илләре пациентлары өчен хәләл хезмәтләр өлкәсендәге яңа мөмкинлекләр хакында фикер алышачак.

Әлеге туристик юнәлеш илебездә югары үсеш динамикасын күрсәтә: әгәр 2017 елда Россиягә чит илләрдән 300 мең кеше дәваланырга килгән булса, 2023 елда инде аларның саны 1,6 миллионга җиткән.

Россиядәге медицина хезмәтләренә Азәрбайҗан, Казахстан, Үзбәкстан, Таҗикстан һәм Кыргызстан туристлары арасында ихтыяҗ зур. Шул ук вакытта, гомуми медицина тикшеренүләре дә, офтальмология, нейрохирургия кебек тар профильле хезмәтләр дә кызыксыну уята.

«Россия – Ислам дөньясы: KazanForum 2024» Халыкара икътисади форумы Татарстан башкаласында 2009 елдан башлап ел саен уза. РФ Президенты Владимир Путин карары белән 2023 елдан ул федераль статус алды. Быел KazanForum 14-19 майда «Казан Экспо» Халыкара күргәзмә үзәгендә үтәчәк. Вакыйгада катнашу өчен рәсми сайтта теркәлергә кирәк.

Сәхифәләр

Белгечләр KazanForum да Россия, ислам илләрендә медицина туризмы хакында фикер алышачак