Җәмгыять 4 гыйнвар 2020 14:33

Белгечләр акчаларның йогышлы авыру таратуы хакында сөйләде

Банкноталарда грипп вирусы ике атнага кадәр саклана.

Скопировать ссылку

(Казан, 4 гыйнвар, «Татар-информ»). Галимнәр акча купюраларының инфекция таратуын ачыклаган. Бу турыда Роспотребнадзор хезмәтенең Петербург идарәсе матбугат хезмәтенә сылтама белән «Интерфакс» хәбәр итә.

«Купюраларда грипп вирусы ике атнага кадәр саклана. Шуңа күрә кайбер илләрдә акча антисептиклы кәгазьдә бастырыла. Япониядә акчаны махсус кер юу машинасында 200 градус температурада юалар», дип сөйләделәр матбугат хезмәтендә.

Моннан тыш, тикшеренүләр йорт дуңгызы йогышлы авырулар өчен иң яхшы инкубатор булуын күрсәткән.

«Бу хайван дуңгыз һәм кош гриппы белән дә, шулай ук «кеше» гриппының барлык төрләре белән дә авырый, - диделәр идарәдә. — Берничә төрле вирус мондый «инкубаторга» эләгеп, үзлекләре белән алмаша ала. Нәтиҗәдә, кешедән кешегә күчкәндә, кош гриппы йогышлы булырга мөмкин».

#акча #инфекция

Сәхифәләр

Белгечләр акчаларның йогышлы авыру таратуы хакында сөйләде