Белгеч: Балаларны йокыга кадәр 2-3 сәгать алдан гаджетлардан аерырга кирәк

Телефон экраннарында зәңгәрсу төс мелатонин дип аталган йокы гормоны эшләп чыгарылуын киметә.

Скопировать ссылку

(Казан, 16 март, «Татар-информ», Гөлнар Гарифуллина). Балаларны йоклар алдыннан, ким дигәндә, 2-3 сәгать алдан гаджетлардан аерырга кирәк. Казан дәүләт медицина университетының неврология, нейрохирургия, медицина генетикасы кафедрасы мөдире Эдуард Якубов «Татар-информ» агентлыгында матбугат конференциясендә шул хакта әйтте.

«Без барыбыз да, шул исәптән, балалар да мәгълүмати басым чорында. Клиникага „бала борчыла“ дип килсәләр, беренче киңәш итеп, баланың гаджет куллану вакытын чикләгез, дибез. Ул йокыга бик тискәре тәэсир итә», — диде.

Эдуард Якубов бер фәнни фактны әйтте. Йоклар алдыннан телефон экранын алсак, зәңгәрсу төс мелатонин дип аталган йокы гормоны эшләп чыгарылуын киметә.

«Күз кабакларын төшереп, йоклап китеп барганда, бу гормон югары. Телефонны алсак, йокыны ачып җибәрә. Күрсәтмәләрнең берсе — гаджетларны куллану чикләү. Смартфоннар, гаджетлар начар түгел, ә ваемсыз әти-әниләр балаларын актив ялдан мәхрүм итеп, контрольсез куланышка рөхсәт бирәләр», — диде.

#йокысызлык

Сәхифәләр

Белгеч: Балаларны йокыга кадәр 2-3 сәгать алдан гаджетлардан аерырга кирәк