Җәмгыять 16 сентябрь 2025 13:11

Белгеч ашыгыч хәлдә машина йөртү таныклыгыннан башка рульгә утырырга ярыймы икәнен әйтте

Скопировать ссылку

Машина йөртүче бернинди очракта да транспорт чарасы белән идарә итүне машина йөртү таныклыгы булмаган затка тапшырырга тиеш түгел. Бу хакта «Татар-информ»га автоюрист Дмитрий Славнов хәбәр итте.

«Өстенлек һәрвакыт юл хәрәкәте иминлегенә бирелә. Хәтта кешенең хәле начарлану сәбәпле аның улы машина йөртү таныклыгы булмаган килеш әтисен якындагы хастаханәгә илтеп җиткерү өчен руль артына утырган очракта да. Бу зыян күрүчеләр санын арттыра, балалар имгәнергә мөмкин булган аварияләр китереп чыгара ала», - диде агентлык әңгәмәдәше.

Ул ассызыклаганча, машина йөртү таныклыгы булмаган кеше хәтта ашыгыч очракта да ашыгыч медицина ярдәме чакыртырга яки авыруны медицина учреждениесенә илтә ала торган башка кешедән ярдәм сорап мөрәҗәгать итәргә тиеш.

«Ашыгыч ярдәм шактый тиз килеп җитә, табибларның авыруга беренче медицина ярдәм күрсәтү өчен кирәкле җиһазлары да, күнекмәләре дә бар», - дип йомгаклады сүзен автоюрист.

Сәхифәләр

Белгеч ашыгыч хәлдә машина йөртү таныклыгыннан башка рульгә утырырга ярыймы икәнен әйтте