Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Белгеч апрельдән Россиядә машина йөртү таныклыкларын алыштыру турында кисәтте
Законга үзгәрешләр кертелү сәбәпле, апрельдә машина йөртү таныклыгы алырга яки яңартырга теләүчеләр агымы кинәт артырга мөмкин. Шуңа күрә таныклыкларын алыштырырга кирәк булган машина йөртүчеләргә ашыгырга кирәк, дип сөйләде «Прайм» агентлыгына Мәскәү шәһәр педагогика университетының хокук департаменты доценты Максим Тишаков. Бу хакта РИА Новости хәбәр итә.
Алыштырылырга тиешле машина йөртү таныклыкларын автомат рәвештә өч елга озайтуның льготалы чоры 1 апрельдә тәмамлана, дип искәртте ул. Әгәр документ өч ел элек озайтылган булган икән, таныклыкны алыштырырга кирәк – әлеге льгота кабат гамәлдә булмаячак.
«Сүз Россия машина йөртү таныклыклары турында бара. Чит илләрдә безнең озайту системасы эшләми, шуңа күрә халыкара машина йөртү таныклыгы турында алдан кайгыртырга кирәк», — дип ачыклык кертте эксперт.
Моннан тыш, апрельдә Россиянең яңа гражданнары һәм 2024 елның 1 апреленә кадәр илдә даими нигездә яшәү хокукы алган затлар өчен чит ил машина йөртү таныклыкларын гадиләштерелгән тәртиптә алыштыру чоры тәмамлана. Алар башка дәүләт таныклыгы булган очракта аны ел дәвамында Россия машина йөртү таныклыгына гадиләштерелгән тәртиптә алыштыра алды. Хәзер исә бөтен процедураны тулысынча узарга туры киләчәк.
Шуңа бәйле рәвештә ашыгыч рәвештә таныклыкларын алыштырырга теләүчеләр агымы арту фаразлана. Агымдагы елда таныклыгын алыштырырга кирәк булучыларга ашыгырга кирәк, дип киңәш итә Тишаков.
Кызыклы яңалыкларны күзәтеп бару өчен Телеграм-каналга язылыгыз