Җәмгыять 15 гыйнвар 2026 09:22

Белгеч: 2026 елда хезмәт базарында эшче персоналга ихтыяҗ булачак

Скопировать ссылку

2026 елда хезмәт базарында эшче көчләр җитмәячәк. 2026 елда хезмәт базары трендларына багышланган зур уртак тикшеренү мәгълүматлары буенча, ТОП-3 кә хезмәт җитештерүчәнлеген һәм нәтиҗәлелеген күтәрү, эш бирүче брендын үстерү һәм персоналны тотып калу буенча көчләрне арттыру кергән. Бу хакта «Татар-информ»га hh.ru Идел буе директоры Альбина Солтанова хәбәр итте.

«Татарстанда эш бирүчеләрнең ихтыяҗына килгәндә, безнең карашка, ул нигездә 2024 һәм 2025 еллардагы кебек өч өлкәгә туры киләчәк – эшче персонал, сату һәм җитештерү. Алар вакансияләр күләменең зур өлешен алып торачаклар. Шулай ук, безнең карашка, массакүләм өлкәләрдә линияле персонал кытлыгы проблемасы дәвам итәчәк. Барыннан да элек бу ваклап сатуга кагылачак», – диде ул.

Белгечләр SuperJob.ru 2026 елда сәнәгать үзен чагыштырмача уңайлы хис итәчәк, дип фаразлыйлар. Беренче чиратта – дәүләт заказы һәм импортны алмаштыру белән бәйле тармаклар. IT һәм мәгълүмати куркынычсызлык өлкәсе үсүен дәвам итәчәк, әмма тәҗрибәле белгечләр кирәкле булып калачак, шул ук вакытта junior-программистлар арасында көндәшлек көчәюен дәвам итәчәк.

Сәхифәләр

Белгеч: 2026 елда хезмәт базарында эшче персоналга ихтыяҗ булачак