Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Беларусьта Мәхмүт Гәрәевкә истәлек тактасы ачылды
Беларусь Республикасының Борисово шәһәрендә татар хәрби җитәкчесе, тарихчы Мәхмүт Гәрәевкә истәлек тактасы ачу тантанасы булды. Аны узган гасырның 60нчы елларында хәрби җитәкченең гаиләсе яшәгән Серебренников урамындагы 11нче йортта урнаштырдылар. Бу хакта Татарстанның Мәскәүдәге Вәкаләтле вәкиллеге хәбәр итә.
Ачылыш тантанасына хәрби җитәкченең кызы Галия Гәрәева да килгән иде. Ул әтисенең кайчандыр 72нче гвардия Берләштерелгән укыту үзәгендә хезмәт итүен билгеләп үтте, әлеге чараны да шул үзәк оештырган.
«Әти әлеге дивизияне үстерүгә күп көч куйды. Ул аны һәрвакытта да үрнәк дип санады. Мин ул вакытта әле мәктәп укучысы гына булсам да яхшы хәтерлим: әти хәрби хезмәтнең тиешенчә тәэмин ителүен дә, шәһәрчектә хәрбиләрнең гаиләләре өчен уңайлы тормыш шартлары тудыруны да кайгыртты», - диде Гәрәева.
«Элеккеге дивизия командиры турындагы истәлек – безнең тарих ул. Аны онытмау һәм киләсе буыннар өчен дә саклау – изге бурычыбыз», - дип искәртте үзәк башлыгы Вадим Суров.
- 23 июньдә Мәскәүдә һәм Татарстанда Мәхмүт Гәрәевнең тууына 100 ел тулуны билгеләп үттеләр. Гомумшәһәр башкала Сабан туе да әлеге юбилей датасына багышлап үткәрелде.
- Мәхмүт Гәрәев 1923 елның 23 июлендә Чиләбедә туган, 1939 елда үз иреге белән Эшче-крестьян Кызыл армиясенә киткән. 1941 елның ноябреннән – укчы взвод командиры, 1942 елдан – фронтта. Шуннан соң озак та үтми батальон командиры вазифаларын башкаручы итеп билгеләнә. Ике тапкыр яралана. Армия штабының оператив офицеры вазифасында Ерак Көнчыгышта Бөек Ватан сугышының соңгы бәрелешләрендә катнаша. Барлыгы алты сугышта катнашкан. 2019 елның 25 декабрендә 97нче яшендә вафат булды.
Кызыклы яңалыкларны күзәтеп бару өчен Телеграм-каналга язылыгыз