Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
БДИ биремнәренең эчтәлеге буенча үзгәрешләр барлык 11 фән буенча да кертелде
Быел Бердәм дәүләт имтиханы биремнәренә барлык 11 фәннән дә үзгәрешләр кертелде. Ике фән буенча имтихан үткәрү вакыты кимегән. Бу хакта ТР Министрлар Кабинетында узган брифингта Татарстан мәгариф һәм фән министры Илсур Һадиуллин хәбәр итте.
Мәгариф һәм фән министрлыгы башлыгы сүзләренчә, быелдан Бердәм дәүләт имтиханы урта гомуми белем бирүнең федераль дәүләт белем бирү стандарты нигезендә үткәрелә, шуңа бәйле рәвештә имтихан биремнәренә үзгәрешләр кертелде.
«Контроль үлчәү материалларына үзгәрешләр имтиханның эшчәнлек өлешен көчәйтүгә – төрле мәгълүматны анализлау, биремнәрне эшләү, шул исәптән гамәли, җентекләп аңлату, аргументация күнекмәләрен куллануга юнәлдерелгән. Биремнәрнең эчтәлеге буенча үзгәрешләр барлык 11 фән буенча да кертелде. Без чыгарылыш сыйныф укучыларының ата-аналарын быел контроль эш материалларында федераль дәүләт белем бирү стандартлары нигезендә үзгәрешләр булачагын кисәттек. Бу 11 сыйныфка кадәр җиткән стандарт», - дип төгәлләштерде ул.
Контроль үлчәү материалларындагы үзгәрешләр аркасында өч фән буенча имтихан үткәрү вакыты үзгәрде, дип өстәде министр. Әйтик, җәмгыять белеме буенча имтиханда вакыт 25 минутка, тарих буенча 55 минутка кимегән, ә чит тел имтиханының телдән тапшырыла торган өлеше ике минутка арткан һәм 17 минут булган.
Сәламәтлекләре буенча мөмкинлекләре чикләнгән балалар өчен имтиханның озынлыгы сәгать ярымга, ә чит тел буенча телдән тапшырыла торганы 30 минутка арта.
Кызыклы яңалыкларны күзәтеп бару өчен Телеграм-каналга язылыгыз