Байкал арты краенда берничә солдат һәм офицерны атып үтергән Шәмсетдинов гафу үтенде
Солдатның хаты социаль челтәрләрдә дөнья күргән.
(Казан, 9 гыйнвар, «Татар-информ»). Байкал арты краенда бергә хезмәт итүче берничә солдат һәм офицерны атып үтергән Раил Шәмсетдинов халык алдында гафу үтенде. Рамилнең кулдан язылган хаты социаль челтәрләрдә дөнья күргән.
«Үземне тыеп кала алмыйча соңгы адымга барганым өчен гафу үтенәм, әмма минем башка юлым юк иде. Һәлак булган солдатларның гаиләләренә килгән кайгыны чын күңелдән уртаклашам һәм әгәр булдыра алсагыз, мине гафу итүегезне үтенәм», - дип яза Шәмсетдинов.
Солдатның адвокаты Руслан Нагиев хатның чын булуын раслаган. Бу Шәмсетдиновның халык алдында әле беренче тапкыр белдерү ясавы – моңа кадәр Рамилнең сүзләрен аның яклаучылары, яки әтисе тапшырды.
