Җәмгыять 9 сентябрь 2018 22:00

Баулыда йортларны капиталь төзекләндерү сентябрь ахырында төгәлләнәчәк

Бүгенге көндә эшләрнең 85 процентыннан артыгы башкарылган.

Скопировать ссылку

(Казан, 9 сентябрь, "Татар-информ", "Хезмәткә дан", Ләйсән Галимова). Баулы шәһәрендә күп фатирлы торак йортларда капиталь төзекләндерү бара. Бүгенге көндә эшләрнең 85 процентыннан артыгы башкарылган. Бу хакта район газетасы хәбәр итә.

Башкарма комитет җитәкчесенең инфраструктура үсеше буенча урынбасары Фаил Сабитов мәгълүматына караганда, түбәндәге алты йорт капиталь төзекләндерелә: Салих Сәйдәшев урамындагы 24нче һәм 23А санлы, Калинин урамындагы 43нче, Һади Такташ урамындагы 20нче, Нефтепровод урамындагы 9нчы, Поповка авылы Елга аръягы урамындагы 13нче йортлар. Эшләрне “АДС”, “Жилсервис”, ПМК “Мелиорация” предприятиеләре башкара. Ремонтны сентябрь ахырында төгәлләү планлаштырыла.

#баулы #төзекләндерү

Сәхифәләр

Баулыда йортларны капиталь төзекләндерү сентябрь ахырында төгәлләнәчәк