Җәмгыять 20 июнь 2018 06:00

Баулыда мохтаҗларга азык-төлек тутырылган пакетлар өләшкәннәр

Бер күчтәнәч пакеты 400 сум тирәсе булган.

Скопировать ссылку

(Баулы, 20 июнь, "Татар-информ", "Хезмәткә дан", Индира Сәйфуллина). Ураза гаете көнендә Баулы районы мөхтәсибәте мохтаҗларга бәйрәм бүләге ясады. Мәчеттә җыелган фитыр сәдакалары акчасына өлкәннәр өчен җитмеш биш, балалар өчен утызга якын күчтәнәч пакетлары әзерләнгән, дип яза җирле басма.

Баулы районы имам-мөхтәсибе Әнвәр хәзрәт Хәмитов сүзләренчә, бер күчтәнәч пакеты 400 сум тирәсе булган. Анда дүрт төрле ярма, берәр кап чәй, шикәр, көнбагыш мае, йөзем һәм финик җимешләре салганнар. Күчтәнәчләр социаль яклау хезмәте аша алынган мәгълүмат белән мохтаҗ булган баулыларга, куп балалы гаиләләргә бирелгән, инвалидлар җәмгыяте аша да таратылган.

Вакытлыча "Гаилә" приютында тәрбияләнүче балаларга өләшкән пакетларда ярмалар урынына шоколад һәм кәнфитләр булган.

#Баулы #Хезмәткә дан

Сәхифәләр

Баулыда мохтаҗларга азык-төлек тутырылган пакетлар өләшкәннәр