Дин 10 декабрь 2017 22:00

Баулыда Мәүлид кичәләре дәвам итә

Конкурста катнашучыларны Баулы районы имам-мөхтәсибе Әнвәр хәзрәт Хәмитов сәламләде, аларга Мөхәммәт пәйгамбәр турында да сөйләп үтте.

Скопировать ссылку

(Баулы, 10 декабрь, "Татар-информ", "Хезмәткә дан"). Баулының “Гали” мәчетендә Мөхәммәт пәйгамбәрнең туган көненә багышланган шигырь уку һәм мөнәҗәт әйтү конкурсы булды, дип яза җирле басма.

Конкурста егермегә якын кеше катнашты. Алар арасында Мөхәммәт пәйгамбәрне данлаучы шигырь юлларын үзләре иҗат итүчеләр дә бар иде. Чыгышлар тәмамлангач, Гөлсорур абыстай Гафурова җитәкчелегендәге жюри иң яхшы чыгыш ясаучыларны билгеләде. Конкурста катнашучыларның берсе дә бүләксез калмады, аларның барсына да затлы китаплар бүләк иттеләр, ә Римма Яруллина белән Зәйтүнә Ибраһимовага китапка өстәп матур яулыклар да бирделәр. Нәкъ менә алар конкурсның җиңүчеләре дип табылды.

Мәүлид кичәсе табын янында дәвам итте.

#Баулы #Хезмәткә дан

Сәхифәләр

Баулыда Мәүлид кичәләре дәвам итә