Баулыда иң оста шигырь сөйләүчеләрне ачыкладылар
Конкурсның финал өлеше 15-17 апрель көннәрне Казанда Актерлар йорты сәхнәсендә үтәчәк.
(Баулы, 17 март, "Татар-информ", "Баулы-информ", Кадрия Гыймазова). Баулыдагы 1нче мәктәпнең актлар залында Габдулла Тукай исемендәге халыкара шигырь укучылар конкурсының район этабы үтте. Аның җиңүчеләре район данын Казанга барып яклаячак. Бу турыда җирле басма хәбәр итә.
Элеге конкурс инде тугызынчы тапкыр үтә. Быел аның темасы – “Туган ягым – яшел бишек” .
Конкурсның сайлап алу этаплары мәктәпләрдә үткән, ә район күләмендәге конкурста кырыкка якын мәктәп укучысы катнашкан.
Конкурсның финал өлеше 15-17 апрель көннәрне Казанда Актерлар йорты сәхнәсендә үтәчәк. Анда Баулы районы данын Тимур Әсәдуллин, Эвелина Әхмәтшаһиева, Алсу Миргалимова яклаячак.