Баулы районында бер баш шартлы терлеккә 10 центнер терлек азыгы әзерләгәннәр
Районда предприятиеләр һәм учреждениеләр ярдәме белән яфрак азык әзерләү эше дә башланган.
Скопировать ссылку
(Баулы, 6 июль, "Татар-информ", "Бавлы-информ", Ләйсән Галимова). Баулы районының авыл хуҗалыгы берләшмәләре бер баш шартлы терлеккә 10 центнер исәбенән терлек азыгы әзерләгән. Бу турыда җирле басма хәбәр итә.
4 июльдә авыл хуҗалыгы һәм азык-төлек идарәсеннән алынган мәгълүмат буенча, 9,9 мең тонна печән, 12,3 мең тонна сенаж хәзерләнгән. Районда предприятиеләр һәм учреждениеләр ярдәме белән яфрак азык әзерләү эше дә башланган. Әлеге эшкә иң элек Удмурт Ташлысы авыл җирлеге халкы керешкән.