Җәмгыять 7 февраль 2018 07:00

Баулы районы Салих авылында блоклы-модуль кибет ачылды

Кибет әллә ни табыш китермәячәк, әмма авылда яшәүчеләр өчен бик кирәк, диде «Кооператор» җәмгыяте директоры.

Скопировать ссылку

(Баулы, 7 февраль, "Татар-информ", Индира Сәйфуллина ). Баулы районы Салих авылында тантаналы рәвештә блоклы-модуль кибет ачылды. Чарада Баулы районы башлыгы Рамил Гатиятуллин катнашты, дип яза районның "Слава труду" газетасы.

Объект "Җиһазланган блоклы-модуль сәүдә объектлары төзелеше" республика программасы кысаларында төзелгән. Республикада шундый 53 кибет эшли.

Мондый сәүдә нокталары 100 дән артык йорт булган торак пунктларда төзелә. Бүген Салих авылында 141 кеше яши. Кибет авыл уртасында урнашкан. Сәүдә ноктасы мәйданы 50 кв м тәшкил итә.

«Кооператор» җәмгыяте директоры Чачарилав Аллаев авыл халкы исеменнән республика һәм район җитәкчелегенә рәхмәт белдерде. "Кибет әллә ни табыш китермәячәк, әмма авылда яшәүчеләр өчен бик кирәк. Бәяләр шәһәрнекеннән арзанрак булачак", - дип вәгъдә итте ул.

#Баулы #кибет

Сәхифәләр

Баулы районы Салих авылында блоклы-модуль кибет ачылды