Җәмгыять 24 октябрь 2018 08:00

Баулы мәктәпләрендә парламент дәресләрендә депутатларның эше турында сөйләделәр

Дәресләр укучыларга закон чыгару хакимиятенең асылына төшенергә, актив гражданлык позициясе формалаштырырга ярдәм итә.

Скопировать ссылку

(Баулы, 24 октябрь, "Татар-информ", "Хезмәткә дан", Айгөл Габдерәфыйкова). Баулы районы Кызылъяр мәктәбендә үткәрелгән парламент дәресендә Татарстан Республикасы Дәүләт Советының бюджет, салым һәм финанслар комитеты рәисе Леонид Якунин катнашты. Бу турыда район басмасы яза.

Дәүләт Советы, ТР Мәгариф һәм фән министрлыгы, республика мәгарифне үстерү институтының уртак проекты булган парламент дәресләре Республикада 2009 елдан бирле үткәрелә. Алар укучыларга закон чыгару хакимиятенең асылына төшенергә, укучыларда сәяси культура һәм актив гражданлык позициясе формалаштырырга ярдәм итә.

Татарстан Республикасы Дәүләт Советының бюджет, салым һәм финанслар комитеты рәисе Леонид Якунин Кызылъяр мәктәбенең югары сыйныф укучыларына хәзерге заман парламенты эшчәнлеге, депутатларның эше турында сөйләде, шулай ук аларны республика бюджеты проектының төп нигезләмәләре белән таныштырды.

Парламент дәресе әңгәмә формасында узды, укучылар шактый мәгълүматка ия булды.

#Баулы #Хезмәткә дан

Сәхифәләр

Баулы мәктәпләрендә парламент дәресләрендә депутатларның эше турында сөйләделәр