Хәвеф-хәтәр 18 ноябрь 2018 02:00

Баулы хатын-кызы улын үтергән өчен хөкем ителгән

Суд аңа гомими режимлы колониядә җиде елга иректән мәхрүм итү рәвешендәге җәза билгеләгән.

Скопировать ссылку

(Баулы, 18 ноябрь, "Татар-информ", "Хезмәткә дан"). Баулы шәһәр прокуратурасы 64 яшьлек хатын-кызга карата җинаять эше буенча дәүләт гаепләве белән ризалашкан. Бу турыда җирле басма яза.

Суд хатын-кызны РФ Җинаятьләр кодексының 105нче маддәсе 1нче өлешендә каралган җинаятьне (үтерү) кылуда гаепле дип тапкан.

Суд тикшерүе барышында ачыкланганча, гаепләнүче 4 майда, исерек хәлдә, Баулы шәһәренең Беренче май тыкрыгындагы фатирында низаг вакытында улының күкрәгенә пычак белән кадаган. Ир-ат вафат булган. Хатын-кыз гаебен өлешчә генә таныган, үтерергә нияте булмавын әйткән.

Суд аңа гомими режимлы колониядә җиде елга иректән мәхрүм итү рәвешендәге җәза билгеләгән.

Хөкем карары үз көченә кермәгән.

#Баулы #Хезмәткә дан

Сәхифәләр

Баулы хатын-кызы улын үтергән өчен хөкем ителгән