Баулы башлыгы махсус хәрби операция зонасына дроннар һәм квадрокоптерлар илтте
Татарстан гамәлдәге армиягә ярдәм күрсәтү буенча миссияләрдә актив катнашучы төбәкләр арасына керә, биредә Баулы да искәрмә түгел. Шушы көннәрдә районнан гуманитар йөкнең чираттагы партиясен озаттылар. Хәрбиләргә кирәкле барлык әйберләрне – азык-төлектән һәм кием-салымнан алып төзелеш материалларына һәм хәрби техникага кадәр – илттеләр.
Шефлык ярдәмен һәрвакыт диярлек Татарстанның Баулы районы башлыгы Ильяс Гозәеров озата бара.
«Республика ике шәһәрне – Лисичанск һәм Рубежноены шефлыкка алды, бу юлы без әлеге калаларда яшәүчеләргә ярдәм итәчәкбез. Ике фураны нәкъ менә алар өчен алып барабыз, - дип ачыклык кертте Баулы районы башлыгы. – Шулай ук Луганск һәм Донецк Халык Республикаларындагы хәрби частьләрдә хезмәт итүче безнең районнан мобилизацияләнгән егетләр һәм контрактникларның да хәлен белеп чыгачакбыз. Безнең хәрбиләргә бул юлы алар сораган әйберләрне (дроннар, квадрокоптерлар, радиоэлектрон көрәш чаралары, дроннан саклану чаралары, төзелеш материаллары) алып барабыз. Шулай ук төрле көнкүреш әйберләре дә илтәбез».
Хәзерге вакытта гуманитар йөкне тиешле урынга китергәннәр инде, чиратта – алдагы партия.
Баулы районында хәрбиләргә шефлык ярдәме махсус операция башланганнан алып даими нигездә күрсәтелә. Район эшкуарлары да, гади гражданнар да булыша. Шулай ук төрле социаль учреждениеләр дә (мәктәпләр, балалар бакчалары, мәдәният йортлары) үз өлешен кертә.
Хәзер потенциаль хәрбиләр өчен контракт нигезендә хезмәт итү буенча тагын да яхшырак шартлар тәкъдим ителә. Татарстанда бер тапкыр миллион 1 сумга кадәр акча алырга була, һәр ай саен хәрбиләргә 210 мең сумнан артык акча түләнә. 2024 елның июнь-июль айларында арттырылган түләүләр алырга мөмкин. 8 (800) 222-59-00 телефоны буенча тулырак белергә була.
Махсус хәрби операция РФ Президенты Владимир Путин карары буенча 2022 елның 24 февраленнән үткәрелә. Хакимият берничә тапкыр аның куелган максатларга ирешкәнче дәвам итәчәген белдерде. Максатлар арасында Россиянең иминлеген гарантияләүче шартлар булдыру да бар.
РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була.
Материал Айгөл Габдрәфыйкова катнашында әзерләнде.