news_header_top_970_100
news_header_bot_970_100

Башкортстанның Бакалы районы мәдәният йортына язучы Нәҗип Асанбаев исемен биргәннәр

Башкортстан Республикасының Бакалы районы мәдәният сараена башкорт әдәбияты классигы, легендар «Кызыл паша» авторы Нәҗип Асанбаев исеме бирелде.

Башкортстан Республикасы хөкүмәтенең шул турындагы карары 2023 елның 23 гыйнварында имзаланды һәм хокукый мәгълүматның рәсми порталында урнаштырылды. «Башинформ» шул турыда яза.

Язучы исемен мәңгеләштерү турындагы тәкъдим Башкортстан Республикасының Бакалы районы администрациясеннән килгән. Чараларны финанслау Бакалы районы администрациясе бюджеты хисабына башкарылачак. Карарның үтәлешен тикшереп тору Башкортстан Республикасы Хөкүмәтенең беренче вице-премьеры – икътисади үсеш һәм инвестицион сәясәт министры Рөстәм Моратовка йөкләнгән.

  • Нәҗип Асанбаев (Николай Васильевич Асанбаев) (1921-2013) – күренекле прозаик, шагыйрь, драматург, җәмәгать эшлеклесе, ул Бөек Ватан сугышында да катнашкан.
news_right_column_1_240_400
news_right_column_2_240_400
Медиаметрикс
news_bot_970_100