Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанда XIX гасыр ахырында яшәгән мәгърифәтче Габдулла Сәеди кулъязмалары табылган
Башкортстанда Габдулла Сәединең XIX гасыр кулъязмалары табылган. Бу иске төрки телендә каллиграфик кулъязмада язылган ике зур китап. Табыш турында республика Хөкүмәте вице-премьеры Азат Бәдранов хәбәр итте, дип яза «Башинформ».
«Берничә атна элек Габдулла Сәеди турында язган идем, бүген миңа аның кулъязмаларын китереп бирделәр. Бу дәфтәрләр, һичшиксез, халкыбызның һәм Ислам дине тарихын өйрәнү өчен фәнни кызыксыну уята. Минем кулымда XIX гасырда язылган китаплар – бик дулкынландыра», - дип язган социаль челтәрдә Азат Бәдранов.
Кулъязмалар сканерлау өчен Башкортстан Республикасының Милли китапханәсе директоры Марат Зөлкарнаевка тапшырылды. Алга таба бу чыганакларны фәнни әйләнешкә кертү өчен тикшерүчеләр һәм тәрҗемәчеләр белән эш башланачак, диелә хәбәрдә.
- Мәгърифәтче һәм дин эшлеклесе Габдулла Сәеди XIX гасыр ахырында Баймак районы Муллакай авылында яшәгән һәм эшләгән. Үз вакыты өчен ул бик абруйлы һәм прогрессив шәхес булган. Ул елына 400ләп кеше укыган. Үз мәдрәсәсендә ул дини фәннәрне генә түгел, геология, тау эшләре, химия һәм башка фәннәр нигезләрен дә укыткан. Ел саен Россия төбәкләреннән һәм Үзәк Азия илләреннән килгән хаҗилар Габдулла Сәединең каберенә киләләр.
Кызыклы яңалыкларны күзәтеп бару өчен Телеграм-каналга язылыгыз