Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Башкортстанда хатын-кыз йоклап яткан кызына пычак белән ташланган
Башкортстанның бер авылында яшәүче хатын-кыз йоклап яткан кызына пычак белән ташланган. Яралы кызга әтисе беренче ярдәм күрсәткән, ә шикләнелгән хатын-кызны психиатрия хастаханәсенә алып киткәннәр. Бу хакта Россия Тикшерү комитетының Башкортстан буенча Тикшерү идарәсенә сылтама белән РИА Новости хәбәр итә.
Бу хәл 24 апрельдә Хәйбулла авылында булган. Кече яшьтәге баланы үтерергә омтылу турындагы җинаять эшендә 53 яшьлек хатын-кыз шикләнелә.
«Тикшерү версиясе буенча, әни кеше йоклап яткан 12 яшьлек кызының муенына пычак белән чәнчегән. Кыз бала авырту сизеп уянган һәм каршылык күрсәткән. Кызның атасы өйгә йөгереп кереп хатынның кулыннан пычакны алган һәм кызына беренче ярдәм күрсәткән», диелә хәбәрдә.
Башкортстан Тикшерү комитеты мәгълүматлары буенча, хатын-кызны махсус дәвалау учреждениесенә китергәннәр.
«Тикшерүчеләр фаҗига урынын тикшерә, суд экспертизасы билгели, шаһитлардан сорау алалар, гаиләнең торак-көнкүреш шартларын өйрәнә», - дип сөйләделәр Россия Тикшерү комитетының Башкортстан буенча Тикшерү идарәсендә.
Кызыклы яңалыкларны күзәтеп бару өчен Телеграм-каналга язылыгыз