Башкортстанда төнлә «Гранта» йөртүчесе җәяүлене бәрдереп үтергән
Скопировать ссылку
Кичә кичке 10нчы сәгатьтә Башкортстанның Зианчура районында Исәнгол – Морак автоюлының 1нче чакрымында юл һәлакәте булган. Якынча мәгълүматларга караганда, «Лада Гранта» автомобиле белән идарә иткән 36 яшьлек ир-ат юлдан барган җәяүлене бәрдергән. Аның киемнәрендә яктылык чагылдыручы элементлар булмаган. Бу хакта «Башинформ» хәбәр итә.
Фаҗига нәтиҗәсендә 38 яшьлек ир-ат алган җәрәхәтләрдән урында ук үлгән.
Дәүләт автоинспекциясе хезмәткәрләре юл һәлакәтенең шартларын ачыклый.