Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанда Рәми Гариповка багышланган «Адым» бәйгесе җиңүчеләре билгеле
Башкортстанда «Адым» видеопоэзия республика конкурсы финалистларын котладылар. Тантана республиканың Ә-З.Вәлиди исемендәге Милли китапханәсендә Рәми көнендә үтте.
Бәйге халык шагыйре Рәми Гариповның тууына 90 ел тулуга багышланды. «Башинформ» Милли китапханә матбугат хезмәте җитәкчесе Айгөл Япаровага сылтама белән шул турыда хәбәр итә.
Чарада Башкортстанның халык шагыйре Кадим Аралбай, язучы Флюр Галимов, шагыйрь Рәми Гариповның улы — БР атказанган мәдәният эшлеклесе, рәссам Азамат Гарипов, «Рух» фильмын төшергән кинорежиссер Салават Вахитов, БР Милли әдәби музееның фән буенча директор урынбасары Илүзә Шәяхмәтова, «БашкиноВидеопрокат» оешмасы директоры Азамат Тимергазин катнашты.
Алар эшләре иң яхшы дип табылган җиңүчеләрне котлады. Гран-при иясе дип бертавыштан Айназ Шаһивәлиев һәм Назгөл Кусяева танылды. Бүләкне халык шагыйре Кадим Аралбай тапшырды. Аксакал яшьләргә үзенең әдәби юлының башы, Рәми Гарипов белән иҗади элемтәләре турында сөйләде, уңышлар теләде һәм шигырьләр укыды.
Башкортстан Республикасы халык шагыйре Рәми Гариповның тууына 90 ел тулу уңаеннан оештырылган Республика видеопоэзия интернет-конкурсы 2022 елның февралендә игълан ителде. Бәйгене республиканың Милли китапханәсе оештырды.
Кызыклы яңалыкларны күзәтеп бару өчен Телеграм-каналга язылыгыз